საჭირო მასალა: 1 ცალი ქათმის მკერდი, 250 გ მინისებური ატრია, 1 პატარა სტაფილო, 1 ბულგარული წიწაკა, 1 დიდი თავი წითელი ხახვი, 4-5 ს.კ. მოტკბო-მომჟავო სოუსი ჩილი, 1 პატარა ყაბაყი, 1 ჩ.კ. პაპრიკა, პილპილი, მარილი - გემოვნებით, ზეთი - შესაწვავად.
მომზადება: ქათამი დავჭრათ და დავაბასტურმოთ მარილსა და პილპილში. ატრიას დავასხათ მდუღარე წყალი და გავაჩეროთ. ხახვი დავჭრათ ალყა-ალყა, სტაფილო – თხელ რგოლებად და 3-4 წუთის განმავლობაში ვოკში მაღალ ტემპერატურაზე ვშუშოთ, თან მუდმივად ვურიოთ. შემდეგ ვოკში ჩავამატოთ ქათმის ნაჭრები, დაჭრილი ყაბაყი, ბულგარული წიწაკა და ვშუშოთ კიდევ 7 წუთი. ჩავამატოთ სოუსი ჩილი, პაპრიკა და ცეცხლზე გავაჩეროთ 3 წუთი. შემდეგ დავუმატოთ ატრია და სუფრასთან მიტანამდე რამდენიმე წუთით გავაჩეროთ.
© ღვინის კლუბი/Weekend