საჭირო მასალა 2 ულუფისათვის: 4 კვერცხი, 5 პატარა პამიდორი, 3 თავი წითელი ხახვი, 5 ცალი ქამა სოკო, 1 ცალი ბულგარული წიწაკა, 1 პატარა კონა კამა, 5 კბილი ნიორი, 2 ს.კ. ზეითუნის ზეთი, მარილი, პილპილი, პაპრიკა, ძირა, კურკუმა - გემოვნებით
მომზადება: ზეთში მოვშუშოთ ძირა, დავუმატოთ დაჭრილი სოკო, დაჭრილი ხახვი და ვშუშოთ 5-7 წუთის განმავლობაში. დავუმატოთ დამდუღრული, კანგაცლილი და დაჭრილი პამიდორი და 25-30 წუთი ნელ ცეცხლზე ვშუშოთ. ბოლოს დავუმატოთ ნიორი, დაკეპილი კამა და გავუწყოთ სანელებლები. 4 ადგილას კოვზით გავაკეთოთ ჩაღრმავება და ჩავახალოთ კვერცხი. შეგვიძლია კვერცხი გათქვეფილი ჩავასხათ. ტემპერატურას დავუკლოთ და კვერცხის მომზადებისთანავე გადმოვდგათ ცეცხლიდან.
© ღვინის კლუბი/Weekend