საჭირო მასალა: 3 ლ ქათმის ბულიონი, 300 გ მოხარშული და შებოლილი ძეხვი, 1 ფინჯანი წვრილი თეთრი ლობიო, 1 ღერი ნიახური, 1 ცალი საშუალო ზომის სტაფილო, 1/4 საშუალო ზომის კომბოსტოს თავი, 1 ცალი ხახვი, 3-4 კბილი ნიორი, 1 პატარა კონა ოხრახუში, 1 პატარა კონა კამა, 3 ს.კ. ზეთი, 1 ჩ.კ. პაპრიკა, მარილი, პილპილი - გემოვნებით.
მომზადება: ლობიო ცივ წყალში ჩავალბოთ 1 საათით, შემდეგ მოვათავსოთ ცხელ ბულიონში და ვხარშოთ 40 წუთის განმავლობაში. დაჭრილი ხახვი მოვშუშოთ მოგრძო ნაჭრებად დაჭრილ ძეხვთან ერთად და დავუმატოთ ბულიონს. იმავე ტაფაზე, რომელზეც ხახვი იშუშებოდა, მოვშუშოთ დაჭრილი სტაფილო და ნიახური, ბოლო წუთზე დავამატოთ დაკეპილი ნიორი და წვნიანს დავუმატოთ. როცა წამოდუღდება, დავამატოთ თხლად დაჭრილი კომბოსტო, მარილი, პილპილი, პაპრიკა და ვადუღოთ ლობიოს მომზადებამდე. სუფრასთან მივიტანოთ წვრილად დაჭრილ მწვანილთან ერთად.
© ღვინის კლუბი/Weekend