ჟურნალ Public Health Nutrition-ში გამოქვეყნებული სტატიის თანახმად, ქათმის ხორცი აღარ შეიძლება საქონლის ხორცის დიეტურ ალტერნატივად ჩაითვალოს. დოქტორი იქუნ ვანგი (Yiqun Wang) დიდი ბრიტანეთიდან, მის მიერ ქათმის ხორცზე ჩატარებული ანალიზების საფუძველზე აცხადებს, რომ ფერმაში გამოყვანილი ქათმები ადრეული ასაკიდანვე გამოირჩევიან ცხიმიანობით. ქათმები, თავისი 20 წლის წინანდელი წინაპრებისგან განსხვავებით, დღეს უკვე ძალიან სწრაფად იზრდებიან და მათი ხორცი გაცილებით მეტ ცხიმს შეიცავს. დოქტორის აზრით, ფერმაში გაზრდილი ქათმის ხორცი ღორის ხორცის იდენტურია. მისი თქმით, დღესდღეობით დიეტურად მხოლოდ იმ ქათმის ხორცი შეიძლება ჩაითვალოს, რომელიც თავისუფალ გარემოში (და არა ფერმაში) იზრდება.
© ღვინის კლუბი/Weekend