რუმინეთის სოფლის მეურნეობის სამინისტროს ინფორმაციით, 2011 წელს ქვეყანამ 4,05 მილიონი დეკალიტრი სუფრისა და სამარკო ღვინოები აწარმოა. ეს 2010 წლის მონაცემებზე (3,38 მილიონი დეკალიტრი ღვინო) 23%-ით მეტია. რუმინეთის სოფლის მეურნეობის სამინისტროს ექსპერტთა განმარტებით, ამგვარ ზრდას შესანიშნავმა კლიმატურმა პირობებმა შეუწყო ხელი, რასაც წარმოებული პროდუქტის არა მხოლოდ გაზრდა, არამედ მისი ხარისხის გაუმჯობესებაც დაერთო თან. ზრდა შეინიშნება აგრეთვე ექსპორტის მხრივაც: 2011 წელს რუმინეთმა ექსპორტზე 14,4 მილიონი ევროს ღირებულების ღვინო და ღვინომასალები გაიტანა, რაც 2010 წლის მონაცემებთან შედარებით 12,8%-ით მეტია. რუმინეთის სოფლის მეურნეობის სამინისტროში განაცხადეს, რომ ვენახების ფართობის გაზრდა ჯერჯერობით არ იგეგმება, მთელი ყურადღება გადატანილი იქნება ვაზის ჰიბრიდული ჯიშების უკეთესი ხარისხის, გამძლე ჯიშებით ჩანაცვლებაზე.
© ღვინის კლუბი/Weekend