საჭირო მასალა: ცომისთვის – 200 მლ მაწონი, 4 კვერცხი, 3 ს.კ. არაჟანი, 1 ჭიქა ფქვილი, 1 ჩ.კ. საცხობი ფხვნილი, 0,4 ჩ.კ. მარილი. გულსართისთვის – 150 გ ხაჭო, 100 გ ყველი ბრინზა, 4-5 ღერი მწვანე ხახვი.
მომზადება: ღრმა თასში ჩავასხათ მაწონი, კვერცხი, არაჟანი და სათქვეფელით ავთქვიფოთ, დავაყაროთ მარილი, ერთად გაცრილი ფქვილი და საცხობი ფხვნილი. ვთქვიფოთ, სანამ ერთგვაროვან მასას არ მივიღებთ. ცომი უნდა იყოს არაჟნის კონსისტენციის. თუ თხელი იქნება, ცოტა ფქვილი დავამატოთ. ცალკე ავურიოთ ხაჭო, გახეხილი ბრინზა და წვრილად დაჭრილი მწვანე ხახვი. ცხიმწასმულ ფორმაში მოვათავსოთ ცომის ნახევარი, შემდეგ გულსართი და ბოლოს ისევ ცომი. შევდგათ წინასწარ 180 გრადუსზე გახურებულ ღუმელში და ვაცხოთ 40 წუთის განმავლობაში. კერძის მომზადებამდე 10 წუთით ადრე ტემპერატურას მოვუმატოთ, რომ კერძი ზემოდან მოიბრაწოს.
© ღვინის კლუბი/Weekend