საჭირო მასალა: 500 გ ხორცის ფარში, 1 თავი ხახვი, 3 ნაჭერი თეთრი პური, 2 ს.კ. წვრილად დაჭრილი ოხრახუში, 1 ჩ.კ. მდოგვის ფხვნილი, 2 კვერცხი, 3 ჭიქა ცივი წყალი, მარილი, შავი პილპილი – გემოვნებით, ზეთი – შესაწვავად.
მომზადება: პური დავალბოთ წყალში, შემდეგ გავწუროთ და მსხვილად დაჭრილ ხახვთან ერთად მოვათავსოთ სამზარეულოს კომბაინში (შეგვიძლია გავატაროთ ხორცსაკეპ მანქანაში), დავუმატოთ ოხრახუში და დავაქუცმაცოთ. მასას დავუმატოთ ხორცის ფარში, სანელებლები, მდოგვის ფხვნილი და კვერცხის გულები. თუ ფარში ძალიან სქელი იქნება, გავათხელოთ ცივი წყლით. მეორე თასში გავთქვიფოთ კვერცხის ცილები, მაგრამ ისეთი მყარი მასა არ უნდა მივიღოთ, ბეზესთვის რომ არის საჭირო. გათქვეფილი ცილა ხის კოვზით ფრთხილად შევურიოთ ხორცის ფარშს. სველი ხელებით გავაკეთოთ გუნდები და გაცხელებულ ზეთში შევწვათ.
© ღვინის კლუბი/Weekend