საჭირო მასალა: 0,5 ჭიქა თხილი, კუბებად დაჭრილი ნახევარი ბაგეტი, 3 ს.კ. ზეითუნის ზეთი, 1 ჩ.კ. დიჟონის მდოგვი, 1 ს.კ. თეთრი ღვინის ძმარი, 1/4 ჩ.კ. მარილი, 1/8 ჩ.კ. შავი პილპილი, 150 გ სხვადასხვა სახის სალათის ფოთლები, 2 ცალი დაჭრილი მსხალი, 50-70 გ ცისფერი ყველი.
მომზადება: თხილი მოვხალოთ, გავაცალოთ კანი და მსხვილად დავჭრათ. პურის ნაჭრებს 1 ს.კ. ზეითუნის ზეთი ავურიოთ და 10-12 წუთით ღუმელში შევდგათ, რომ დაიბრაწოს. ძმარი, მდოგვი, მარილი და პილპილი ავურიოთ. წვრილი ნაკადით დავასხათ დარჩენილი ზეითუნის ზეთი ისე, რომ თქვეფა არ შევწყვიტოთ. სალათის ფოთლები ხელით დავაქუცმაცოთ, ავურიოთ დაჭრილი მსხალი, თხილი, შებრაწული პურის ნაჭრები, დაფხვნილი ყველი და მოვასხათ სოუსი.
© ღვინის კლუბი/Weekend