საჭირო მასალა: 8 კვერცხი, 300 გ ნადუღი, 250 გ დარბილებული ნაღების ყველი, მწიკვი ჯავზი, 1/4 ჭიქა ზეითუნის ზეთი, 500 გ წვრილ ზოლებად დაჭრილი სტაფილო, 500 გ დაჭრილი სოკო, 1 საშუალო თავი ხახვი, 500 გ ბროკოლი, მარილი, წიწაკა - გემოვნებით.
მომზადება: ბლენდერში გავთქვიფოთ კვერცხი, ნადუღი და ნაღების ყველი. კრემს დავუმატოთ მარილი, წიწაკა და ჯავზი. სტაფილო ზეითუნის ზეთში შევბრაწოთ, გავუწყოთ მარილი, წიწაკა და ნელ ცეცხლზე თავდახურული გავაჩეროთ დასარბილებლად. ხახვი და სოკო 10 წუთის განმავლობაში მოვშუშოთ ზეთში, დავუმატოთ მარილი და წიწაკა. ბროკოლი დავჭრათ, 3-5 წუთის განმავლობაში მარილწყალში გავთუთქოთ და საწურზე გადავიტანოთ. ფორმაში ჩავაწყოთ ჯერ ბროკოლი, შემდეგ ყველის კრემი, შემდეგ სოკო, ისევ კრემი, სტაფილო და გადავუსვათ დარჩენილი კრემი. ცხვება გახურებულ ღუმელში 45 წუთის განმავლობაში.
© ღვინის კლუბი/Weekend