ცნობილი ენოლოგი ორგანული ღვინის შესახებ

ორგანული ღვინის მწარმოებლებს როგორც გულმხურვალე დამცველები და მომხრეები, ისე სასტიკი მოწინააღმდეგეები ჰყავთ. ცნობილი ფრანგი მეღვინე მიშელ შაპუტიე ორგანული ღვინის მწარმოებლებს დაუპირისპირდა. შაპუტიემ ისინი მწვავედ გააკრიტიკა წარმოებაში გოგირდის დიოქსიდის გამოუყენებლობის გამო. ეს ნივთიერება ყურძნის დაწურვამდე გამოიყენება ხოლმე - როდესაც მტევნებს გოგირდს აფრქვევენ. გარდა ამისა, გოგირდის დიოქსიდი ყველა სხვა საფუარის მოქმედებას თრგუნავს, გარდა ღვინის საფუარისა. სწორედ ამ მიზეზთა გამოა აღშფოთებული შაპუტიე, რომელიც აცხადებს, რომ ორგანული ღვინის წარმოება სხვა არაფერია, თუ არა უხარისხო ძმრის წარმოება. ,,იმის თქმა, რომ ადრე ღვინო ასე მზადდებოდა და ეს ნატურალურია, არასწორია. მაშინ, უბრალოდ, არ იყო ცნობილი გოგირდის დიოქსიდის შესახებ. როგორ შეიძლება ტოქსიკური საფუარები დატოვო ღვინოში?” - კითხულობს ფრანგი მეღვინე.