საჭირო მასალა: 3 კგ ღორის კანჭი, 1 თავი ნიორი, 1 კონა ოხრახუში, მარილი, შავი პილპილი – გემოვნებით
მომზადება: ღორის კანჭი ვხარშოთ 3-4 საათის განმავლობაში. ხორცი კარგად უნდა მოიხარშოს. შეგრილებულს ამოვაცალოთ ძვალი. ფრთხილად ავაცალოთ კანი და ქონი. ხორცი წვრილად დავჭრათ. დაკეპილი ქონი შევურიოთ ხორცს და დავუმატოთ წვრილად დაჭრილი ოხრახუში, პილპილი, ნიორი და მარილი. ეს ყველაფერი ერთმანეთში კარგად ავურიოთ. ავიღოთ რომელიმე ფორმა, შიგ ჩავფინოთ ცელოფანის პარკი, ზედ დავდოთ ღორის ხორცის ტყავი. მასში ჩავდოთ არეული ხორცის მასა. გვერდებზე გადასული ტყავი გადმოვაფაროთ და წნეხის ქვეშ მთელი ღამით დავტოვოთ. გაციებული სალთისონი გადმოვიღოთ და თხლად დავჭრათ.
© ღვინის კლუბი/Weekend