საჭირო მასალა: 150 გ ერბო, 4 ს.კ. ნაღები, 200 გ შაქარი, 2 კვერცხი, 1 ს.კ. თხელი თაფლი, 1 ფორთოხლის ცედრა და წვენი, 1/4 ჩ.კ. ერთად არეული დაფქული მიხაკი, დარიჩინი, ბადიანი და ჯანჯაფილი. 0,5 ჩ.კ. სოდა, 250 გ ფქვილი, 1 ს.კ. კარტოფილის სახამებელი, თეთრი მინანქარი – მოსართავად.
მომზადება: ერბო და შაქარი გავთქვიფოთ, დავუმატოთ კვერცხი, ნაღები, ფორთოხლის ცედრა და სანელებლები. ფორთოხლის წვენში გავხსნათ სოდა და დავუმატოთ ცომს. სახამებელი და ფქვილი ერთად გავცრათ და შევათქვიფოთ მომზადებულ მასას. ცომი უნდა გამოვიდეს სქელი არაჟნის კონსისტენციის. პატარა ფორმებში ჩავფინოთ ცხიმწასმული ქაღალდის ნაჭრები და 2/3-ზე ჩავდოთ ცომი. ნამცხვარი ვაცხოთ დაახლოებით 30 წუთის განმავლობაში საშუალო ტემპერატურაზე. როდესაც შეგრილდება, ამოვიღოთ ფორმიდან და მოვრთოთ თეთრი მინანქრით.
© ღვინის კლუბი/Weekend