საჭირო მასალა: 1 ცალი ავოკადო, 2 ს.კ. ლიმონის წვენი, 125 გ მოხარშული ზღვის კოქტეილი (მიდია, კიბორჩხალა, კრევეტი და სხვა), 150 გ შებოლილი კალმახი, მწიკვი წითელი წიწაკა, 2-3 ს.კ. ცივი გამოხდის ზეითუნის ზეთი, 75 გ სქელი არაჟანი, 4 ს.კ. წითელი ხიზილალა, ლიმონის ნაჭრები და კამა – მოსართავად.
მომზადება: ავოკადო ორად გავყოთ, ამოვიღოთ კურკა და კანი გავაცალოთ. დავჭრათ და ლიმონის წვენი მოვასხათ. ზღვის ნობათი და კალმახის ფილე წვრილად დავჭრათ, შევურიოთ წიწაკა, ზეთი და ავოკადო, შემდეგ თეფშებზე ულუფებად გადავიტანოთ. თითოეულ ულუფას საკონდიტრო ტომრის საშუალებით მოვასხათ არაჟანი. მოვრთოთ ხიზილალით, ლიმონის ნაჭრებითა და კამის ფოთლებით.
© ღვინის კლუბი/Weekend