ლუდი ნაკლებად მოიაზრება ელიტურ სასმელად, თუმცა, თურმე შესაძლებელიაის ელიტურადაც იქცეს, თუ მას დავუმატებთ... ოქროს! ფრანგებმა მართლაც აღარ იციან, რით გააოცონ ევროპის მოსახლეობა... კომპანია Brasserie du Pays Fleming-მა გადაწყვიტა გაერისკა და შეექმნა ყველასათვის ხელმისაწვდომი ლუდის ელიტური, თუმცა კი ბიუჯეტისთვის წამგებიანი ვარიანტი. მათ მიერ შექმნილი ლუდი ჩვეულებრივი ტექნოლოგიით, მაგრამ ერთადერთი ახალი და უცნაური ინგრედიენტის - ოქროს დამატებით იხარშება. 24 კარატიანი ოქროს ნაწილაკები, როგორც ამას ლუდის მწარმოებლები აღნიშნავენ, სასმელს განსაკუთრებულ თვისებებს ანიჭებს.
ცნობილია, რომ განსაზღვრული რაოდენობით ოქროს მიღება სასარგებლოა ადამიანის ორგანიზმისათვის და მართლაც, ეს საოცარი სასმელი - სახელწოდებით 24 Carats- ხსნის სტრესს და აუმჯობესებს ჯანმრთელობის მდგომარეობას. ამჟამად სულ გამოშვებულია 24 Carats-ის 0.75 ლიტრიანი 2000 ბოთლი. თითოეული ბოთლის ფასია 65 აშშ დოლარი.
© ღვინის კლუბი/Weekend