სამწუხარო ინციდენტი მოხდა ავსტრალიის ერთ-ერთ შტატ კვინსლენდში – ძლიერმა ხანძარმა საწარმო Ballandean-ის კუთვნილი, ელიტური ღვინით სავსე საწყობი გაანადგურა. პოლიცია არ გამორიცხავს, რომ ცეცხლი განზრახ იყო გაჩენილი. “ჩვენი ღვინის მარაგის სულ მცირე 70% იქნა განადგურებული. ვფიქრობთ, რომ ცეცხლის აალება მოხდა საწყობთან მდგარი ტრაქტორიდან. პოლიცია ამოწმებს ამ ვერსიას” – აცხადებს კომპანია Ballandean-ის დამფუძნებლის შვილიშვილი, რობინ ჰენდერსონი. ინცინდენტის დროს საწყობის ახლომახლო არავინ იმყოფებოდა, ამიტომ არ ყოფილა მსხვერპლი. თუმცა, ხანძარმა ღვინის საწარმოს მნიშვნელოვანი ზარალი მიაყენა – განადგურდა რამდენიმე მილიონი დოლარის ღირებულების ელიტური ღვინო. როგორც პოლიციამ განაცხადა, შენობა მნიშვნელოვნად დაზიანდა. ამჟამად მიმდინარეობს ინცინდენტის გამოძიება. საბედნიეროდ, ხანძარს გადაურჩა ღვინის საწარმოო აღჭურვილობა და სათავსო, სადაც შედარებით ახალი ღვინოები ინახებოდა. ასე რომ, საწარმოს შეუძლია შეუფერხებლად გააგრძელოს მუშაობა.
© ღვინის კლუბი/Weekend