საჭირო მასალა: 500 გ ძროხის ხორცი, 1 თავი ხახვი, 70 გ ტომატ-პასტა, 1 ლ ძროხის ხორცის ბულიონი, 250-300 გ რუხი პური, 1 კბილი ნიორი, 60 მლ ღია ფერის ლუდი, ძირა, პაპრიკა, მარილი, წიწაკა და თავშავა – გემოვნებით.
მომზადება: ღრმა ტაფაში ან ქვაბში გავაცხელოთ ზეთი, დავუმატოთ წვრილად დაჭრილი ხახვი და მოვშუშოთ. როდესაც ხახვი გაოქროსფერდება, დავუმატოთ პატარა ნაჭრებად დაჭრილი ხორცი. რამდენიმე წუთის განმავლობაში ხორცის ნაჭრები ყველა მხრიდან შევბრაწოთ, დავასხათ 30 მლ ლუდი, შევურიოთ ტომატ-პასტა და 5 წუთი ვშუშოთ. ხორცს დავაყაროთ მარილი, წიწაკა, წვრილად დაჭრილი ნიორი და პაპრიკა, შემდეგ დავასხათ 1 ლ ბულიონი და დაბალ ცეცხლზე დავდგათ. ამასობაში პური წყალში დავალბოთ, შემდეგ დოლბანდში გავწუროთ და საცერზე გავატაროთ. როდესაც ბულიონი ადუღდება, ჩავუმატოთ პური, თავშავა და 1-1,5 საათის განმავლობაში თავმოხდილი ვხარშოთ დაბალ ცეცხლზე. მომზადებამდე 10-15 წთით ადრე გულაშს დარჩენილი ლუდიც დავასხათ.
© ღვინის კლუბი/Weekend