საჭირო მასალა: 3 კგ პატარა ზომის ხორციანი პომიდორი, 0,5 თავი ნიორი, 2 ჩ.კ. გამშრალი რეჰანი, 2 ჩ.კ. გამშრალი ქონდარი, 1 ჩ.კ. გამშრალი როზმარინი, მარილი – გემოვნებით. ზეითუნის ზეთი – საჭიროების მიხედვით.
მომზადება: თუნუქის ფორმაზე დავფინოთ საცხობი ქაღალდი და წავუსვათ ზეთი. პომიდვრები შუა-შუა გავჭრათ და თესლი ამოვაცალოთ, თუნუქის ფურცელზე მოვათავსოთ და მოვაყაროთ მწვანილი და მარილი, მოვასხათ ცოტა ზეთი. შევდგათ 130 გრადუსზე გახურებულ ღუმელში 3-5 საათით. მომზადების დრო დამოკიდებულია პომიდვრების ზომაზე. გამშრალი პომიდვრებო მოვათავსოთ ქილაში, დავაყაროთ წვრილად დაჭრილი ნიორი და დავფაროთ ზეითუნის ზეთით. ქილას საფარებელი გავუკეთოთ და მაცივარში შევდგათ. ასე მომზადებული პომიდორი შეგვიძლია რამდენიმე თვე გავაჩეროთ მაცივარში. მივირთვათ ხორციან კერძებთან ერთად.
© ღვინის კლუბი/Weekend