მეტეოროლოგების დაკვირვებით, 2011 წლის ზაფხულის დასაწყისი ბორდოში ანომალიურად გვალვიანი და ცხელი იყო. იანვარში მოსალოდნელზე სამჯერ ნაკლები ნალექი მოვიდა – 27 მმ ნაცვლად 92 მმ-სა. ნალექების სიმცირე შეინიშნებოდა თებერვალშიც – 62 მმ ნაცვლად 82 მმ-სა. მარტში ნალექები ჩვეულებრივზე ორჯერ ნაკლები იყო და სულ 70 მმ შეადგინა, აპრილში კი სულ რაღაც 7.3 მმ, რაც საშუალო სტატისტიკურ ნორმაზე საკმაოდ მცირე მაჩვენებელია.
ასეთი ამინდები ხანდაზმულებსაც არ ახსოვთ და წლევანდელ მდგომარეობას 2003 წლის უაღრესად ცხელ ზაფხულსაც კი ვერ ადარებენ.
უჩვეულო ამინდის მიუხედავად, ვაზის ყვავილობა ბორდოში ზომიერად მიმდინარეობდა, ვენახები შესანიშნავ სანიტარულ მდგომარეობაშია. სავარაუდოდ, პრობლემები იმ შემთხვევაში წარმოიქმნება, თუ ამგვარი სიცხეები კიდევ რამდენიმე კვირას გაგრძელდება. ბორდოელი მევენახეები კი უკვე აქედან ემზადებიან ადრეული რთველისთვის.
© ღვინის კლუბი/Weekend