საჭირო მასალა: 1 კგ დეკეულის ხორცი, 5 ცალი სოკო, 1 თავი ხახვი, 2 ს.კ. სოიას სოუსი, 1 ს.კ. მდოგვი, 2 ს.კ. ბროწეულის წვენი, 4 კბილი ნიორი, 1 ს.კ. კარაქი, 300 გ ბადექონი, 100 გ ჭყინტი ყველი, 3 ს.,კ. ნაღები, მარილი - გემოვნებით.
მომზადება: მდოგვი, ბროწეულის წვენი, ცოტა მარილი და სოიას სოპუსი ავურიოთ, წავუსვათ ხორცის ნაჭერს,დანარჩენი ზემოდან მოვასხათ და 5 საათით დავდგათ მაცივარში. ნიორი დავჭრათ პატარა ნაჭრებად, დავსეროთ ხორცი და შიგ მოვათავსოთ ნივრის ნაჭრები. წვრილად დაჭრილი სოკო და ხახვი მოვშუშოთ კარაქში და შევურიოთ ნაღები. შეგრილებულ სოკოს კი დავუმატოთ გახეხილი ყველი. ხორცის ნაჭერზე მოვათავსოთ მომზადებული გულსართი, შევახვიოთ რულეტივით, შევკრათ ძაფით, შემდეგ გადავახვიოთ ბადექონში და 200 გრადუსზე გახურებულ ღუმელში შევწვათ. მომზადების დრო – 1,5 საათი.
© ღვინის კლუბი/Weekend