საჭირო მასალა: 1 ცალი ანანასი, 1 ცალი ლიმონი, 2 სმ. სიგრძის ნედლი ჯანჯაფილის ნაჭერი, 2-3 ს.კ. თეთრი ნახევრად ტკბილი ღვინო, 80 გ. შაქარი, 1 ჭიქა 35%-იანი ნაღები, 1 ს.კ. შაქრის პუდრა, 2 ს.კ. შავი ან თეთრი სეზამის მარცვლები.
მომზადება: ანანასს მოვაცალოთ გარსი, დავჭრათ ნაჭრებად და ღრმა ტაფაში მოვათავსოთ. ლიმონი გავწუროთ. ჯანჯაფილი გავხეხოთ წვრილ სახეხზე. შაქარი, ღვინო, ჯანჯაფილი, ლიმონის წვენი ავურიოთ და დავასხათ ანანასის ნაჭრებს. 8-10 წუთის განმავლობაში ხილი ვშუშოთ დაბალ ცეცლხზე და თან ვურიოთ. როდესაც ანანასის ნაჭრები დარბილდება, გადმოვდგათ ცეცხლიდან, დავახუროთ ტაფას სახურავი და დავტოვოთ 3-4 წუთით. ამასობაში მოვხალოთ სეზამის მარცვლები. ნაღები და შაქრის პუდრა კი კარგად ავთქვიფოთ. მინის ბოკლებში მოვათავსოთ ანანასი თავისი წვენით, მოვაყაროთ სეზამის მარცვლები და მოვრთოთ ნაღებით.
© ღვინის კლუბი/Weekend