უკრაინის აგრარული პოლიტიკის მინისტრმა ნიკოლაი პრისიაჟნიუკმა ქვეყნის მოქალაქეებს მეტი ღვინის მოხმარებისაკენ მოუწოდა და ამ კამპანიას შესაფერისი ლოზუნგიც წაუმძღვარა - ,,ღვინო – ეს კვების პროდუქტია.” უკრაინის ხელისუფლებას გამიზნული აქვს ღვინის მოხმარება ქვეყნის მასშტაბით ათჯერ გაზარდოს და ამისთვის ყოველწლიურად ნახევარ მილიარდ გრივნასაც ხარჯავს, მაგრამ ჯერჯერობით სასურველ შედეგს მაინც ვერ მიაღწია.
ჟურნალისტებთან შეხვედრაზე მინისტრმა განაცხადა, რომ MმხოლოდO გასულ წელს უკრაინის მთავრობამ მეღვინეობის სფეროს განვითარებისთვის 480 მილიონი გრივნა გამოყო. პრისიაჟნიუკის აზრით, მეღვინეობის დარგის ასაღორძინებლად დაახლოებით ხუთი მილიარდი გრივნაა საჭირო, რის მოძიებასაც მთავრობა, სავარაუდოდ, ინვესტიციების მოზიდვით აპირებს. მინისტრის თქმით, “ღვინის ფესტივალის დღის” სახელმწიფო დონეზე დამტკიცებისთვის, რომელიც იალტაში გაიმართება, მან წინანადებით მიმართა მინისტრთა კაბინეტს.
,,დარწმუნებული ვარ, ამგვარი ღონისძიებების გატარების შედეგად ჩვენ შევძლებთ უფრო აქტიურად განვავითაროთ მეღვინეობის დარგი და ამ სფეროთი ტურისტებიც დავაინტერესოთ. უნგრელმა მეღვინეებმა გაგვიმხილეს, რომ მათი პროდუქციის 30% სწორედ ტურისტები ყიდულობენ სხვადასხვა მარნებსა თუ მეურნეობებში ვიზიტისას. ჩვენი მიზანია, სწორედ ამ მიმართულებით ვიფიქროთ და ავაღორძინოთ მეღვინეობა” – დასძინა მინისტრმა.
© ღვინის კლუბი/Weekend