საჭირო მასალა: 1,5 კგ კურდღლის ხორცი, 300 გ ხახვი, 4 ს.კ. ზეთი, 150 მლ შამპანური, 400 მლ ქათმის ბულიონი, 600 გ ახალი კარტოფილი, 400 გ ტკბილი წიწაკა, 1 კონა კამა, 1 კონა ოხრახუში, 2 ს.კ. მდოგვი, 0,5 ჩ.კ. კურკუმა, 200 გ სქელი ნაღები, 2 ს.კ. კარტოფილის სახამებელი, 1/3 ჭიქა ზეითუნის ზეთი, მარილი, წიწაკა – გემოვნებით.
მომზადება: ხორცი დავჭრათ, მოვაყაროთ მარილი და ხახვთან ერთად 1 ს.კ. ზეთში მოვშუშოთ, დავასხათ შამპანური, ქათმის ბულიონი და 1 საათის განმავბლობაში საშუალო ტემპერატურაზე ვშუშოთ. სანამ ხორცი იშუშება, კარტოფილი გავასუფთავოთ, ნახევრად მოვხარშოთ და შუა-შუა დაჭრილ წიწაკასთან ერთად ზეთში შევწვათ. მწვანილი წვრილად დავჭრათ, შევურიოთ ნაღები, მდოგვი, კურკუმა, სახამებელი, მარილი და წიწაკა. როდესაც კურდღელი მომზადდება, ამოვიღოთ ქვაბიდან, დარჩენილი წვენი დავამატოთ მწვანილის, ნაღებისა და მდოგვის ნარევს, ჩავასხათ პატარა ზომის სქელძირიან ქვაბში, და დაბალ ცეცხლზე დავდგათ, თან ვურიოთ. როცა წამოდუღდება, გადმოვდგათ ცეცხლიდან. კურდღლის ხორცს შემოვუწყოთ შემწვარი ბოსტნეული და მოვასხათ სოუსი.
© ღვინის კლუბი/Weekend