საჭირო მასალა: ცხვრის 4 ცალი წინა ბარკალი, მარილი, შავი პილპილი – გემოვნებით
5 ს.კ. ზეთი, 400 მლ. ხორცის ბულიონი, 5 ღერი ნედლი ან 2 ჩ.კ. გამშრალი ქონდარი, 500 გ. სტაფილო, 4 თავი ხახვი, 5 ღერი პიტნა, 6 ღერი ოხრახუში, 2 კბილი ნიორი, 1 ცალი მოზრდილი ფორთოხალი.
მომზადება: ცხვრის ბარკლები შევამშრალოთ, წავუსვათ მარილი და პილპილი. სქელძირიან ქვაბში ან მაღალ ტაფაში გავაცხელოთ 3 ს.კ. ზეთი, შიგ ჩავაწყოთ ბარკლები და მაღალ ცეცხლზე კარგად შევბრაწოთ, შემდეგ კი დავასხათ ბულიონი და ვხარშოთ. სტაფილო დავჭრათ მსხვილად. ხახვი გავჭრათ ოთხ-ხუთ ნაწილად. ბოსტნეული მოვშუშოთ დარჩენილ ზეთში, შემდეგ დავუმატოთ ხორცს და ერთად ვშუშოთ 30 წუთის განმავლობაში. ნიორი, ქონდარი, ოხრახუში და პიტნა ავკეპოთ, დავამატოთ ფორთოხლის ცედრა, მისი წვრილად დაჭრილი რბილობი თეთრი გარსის გარეშე და შევურიოთ ხორცს. 1-2 წუთის შემდეგ კერძი მზად იქნება.
© ღვინის კლუბი/Weekend