საჭირო მასალა: ცომი - 2 ჭიქა ფქვილი, 1 ჩ.კ. შაქარი, 2 ს.კ. კარაქი, 1 ს.კ. მშრალი საფუარი, 2/3 ჭიქა რძე ან წყალი,¼ ჩ.კ. მარილი.
გულსართი – 400 გ. თევზის ფილე, 1/2 ჭიქა ბრინჯი, 1 ს.კ. კარაქი, მარილი, თეთრი პილპილი – გემოვნებით.
მომზადება: ფქვილში ავურიოთ საფუარი, თბილ რძეში ან წყალში გავხსნათ მარილი, შაქარი, შევურიოთ საფუვრიან ცომს. შევაზილოთ დამდნარი კარაქი, მოვზილოთ ცომი და დავდგათ თბილ; ადგილას ასაფუებლად. მოხარშული თევზის ფილე დავჭრათ პატარა ნაჭრებად და ავურიოთ მოხარშული ბრინჯი.
ცომი დავყოთ 10 ნაწილად, გავაბრტყელოთ ხელით და გადავანაწილოთ გულსართი. ცომი ბოლომდე არ შევკრათ, რომ შუაგულში გამოჩნდეს გულსართი. წავუსვათ ცხიმი, დავაწყოთ თუნუქის ფურცელზე და გამოვაცხოთ მაღალ ტემპერატურაზე გახურებულ ღუმელში. 15-20 წუთის განმავლობაში.
© ღვინის კლუბი/Weekend