როგოც წესი, ეს ბაროლოც 100% ნებიოლოსგანაა დამზადებული და ოთხ სოფელშია მოკრეფილი: Barolo, Novello, Castiglion Falletto, და La Morra. მოყვანილია Guyot სისტემის ვენახებში სადაც მკაცრად კონტროლდება ჰექტარზე ვაზების (5,000), რქების და მოსავლის რაოდენობა. ფერმენტაცია დაბალ ტემპერატურაზე (28C) ხდება და დაძველება 2 წელი მუხის კასრებში. როგორც იცით, ნებიოლო მაღალ-ტანინიანი ყურძენია და ამიტომ მისგან დაყენებული ღვინოების, და განსაკუთრებით კი ბაროლოს დაძველება აუცილებელიც კია. 2005 წლის სხვა ბევრ ღვინოს ალბათ ასაკი დაეტყობოდა ფერზეც და გემოზეც. ეს ჯერ კიდევ ცოცხლად გამოიყურებოდა და ალბათ თავის პიკისთვის ჯერ არც მიუღწევია. ფერზე მუქი წითელია. გამოირჩევა მძაფრი არომატულობით და ალუბლის, კენკროვნების, კვამლის და მინერალური ტონებით. ინტენსიურია და ფინიშიც საკმაოდ გრძელია.
© Naotreli