საჭირო მასალა: 400 გ. გოგრის რბილობი, 100 გ. ნუში, 250 გ. ფქვილი, 2 ს.კ. გამაფხვიერებელი ფხვნილი, 3 კვერცხი, 240 გ. შაქარი, 120 გ. დარბილებული კარაქი, 1 ს.კ. ვანილის შაქარი, შაქრის პუდრა – მოსართავად.
მომზადება: გოგრა დავჭრათ და გავხეხოთ. ნუში მსხვილად დავფქვათ. ფქვილი და გამაფხვიერებელი ფხვნილი ავურიოთ და გავცრათ. კვერცხის ცილა კარგად ავთქვიფოთ 120 გ. შაქართან ერთად. დანარჩენი შაქარი და კარაქი ცალკე გავთქვიფოთ, დავუმატოთ კვერცხის გულები, გათქვეფილი ცილა და ვანილის შაქარი. შემდეგ ფრთხილოად შევურიოთ ფქვილი, ნუში და გოგრა. ცომი მოვათავსოთ ცხიმწასმულ, ფქვილმოყრილ ფორმაში და 180 გრადუს ტემპერატურაზე დაახლოებით 1 საათის განმავლობაში ვაცხოთ. ნამცხვარი როდესაც გამოცხვება, 10 წუთი დავაყოვნოთ ფორმაში. ნაზი ფაქტურის გამო, ფორმიდან ფრთხილად გადმოვიღოთ და მოვაყაროთ შაქრის პუდრა.
© ღვინის კლუბი/“Weekend“
