საჭირო მასალა: 10 ცალი კვერცხი, 100-250 გ. სოკო, 2 თავი ხახვი, რამდენიმე ღერი ოხრახუში და კამა, 1 კონა მწვანე ხახვი, 1-2 ს.კ. სქელი არაჟანი. მარილი და შავი პილპილი – გემოვნებით.
მომზადება: კვერცხი მოვხარშოთ, გავაციოთ და გავჭრათ შუაზე. ამოვაცალოთ გული. სოკო წვრილად დავჭრათ და ხახვთან ერთად მოვშუშოთ, დავუმატოთ სანელებლები, წვრილად აკეპილი მწვანილი, არაჟანი და კვერცხის გული. მომზადებული გულსართით დავტენოთ კვერცხის ცილები და მოვაყაროთ წვრილად დაჭრილი მწვანე ხახვი.
©ღვინის კლუბი/vinoge.com
