ამერიკელმა დიეტოლოგებმა შეადგინეს ისეთი სნეკების სია, რომლითაც სწრაფად და უსაფრთხოდ შეიძლება მოვიკლათ შიმშილი. ჰამბურგერებისა და ბუტერბროდების ნაცვლად რეკომენდებულია ხილით (ვაშლი, მსხალი, ბანანი), თხილეულით (კაკალი, თხილი, არაქისი, ნუში), აგრეთვე გოგრის გულითა და მზესუმზირით წახემსება. საუკეთესო სნეკების სიაში აგრეთვე შედის: ბატიბუტი, ბრინჯიანი ღვეზელი, ხილის ნაყინი და იოგურტი. დიეტოლოგები აქვე ერთ რჩევასაც გვაძლევენ – თუ წინასწარ დავლევთ ჭიქა წყალს ან წვენს, შიმშილის გრძნობა რამდენიმე საათის განმავლობაში არ შეგვაწუხებს.