ბრიტანელი ღვინის კრიტიკოსების აზრით, ბორდოს 2009 წლის მოსავალს 2005 წლის წარმატებულ რთველთან შედარებით გაცილებით მეტი პოტენციალი აქვს, მაგრამ ამ დადებით შეფასებასთან ერთად ექსპერტებმა სუპერ-პრემიალურ სეგმენტში ფასების მოსალოდნელი ზრდის შესახებაც გამოთქვეს შიში - 2008 წლის ღვინოებთან შედარებით ფასები შესაძლოა 120%-ით გაიზარდოს. ღვინის კრიტიკოსები განსაკუთრებით კეთილგანწყობილნი არიან ღვინოების: Chateau Latour, Margaux, Lafite, Mouton, Ausone, Pétrus, Haut-Brion, Lafleur, Palmer და Le Pin მიმართ. ფასი-ხარისხის შესაბამისობის სეგმენტში (ანუ ის ღვინოები, რომელთა ერთი შეკვრაც, სავარაუდოდ, 500 ფუნტზე ნაკლები ეღირება) კრიტიკოსები უპირატესობას ანიჭებენ შემდეგ ღვინოებს: Calon-Ségur, Grand-Puy-Lacoste, Léoville Barton, Domaine de Chevalier Rouge, Gruaud-Larose, Pontet-Canet, Léoville Poyferré, Haut-Batailley, Armailhac და Langoa Barton. ყველაზე მეტად იმედები კრიტიკოსებს გაუცრუა ღვინოებმა: Cos d'Estournel, Pavie, Troplong Mondot, Léoville Barton, Pichon Lalande, Talbot, Lascombes, Clos Fourtet, Figeac და Léoville Las Cases. მიუხედავად უხვი მოსავლისა, კრიტიკოსები აქედანვე სკეპტიკურად არიან განწყობილნი მარჯვენა სანაპიროზე მდებარე ზოგიერთი ვენახის ღვინოების მიმართ, რომლებიც ალკოჰოლის მაღალი შემცველობითა და ექსტრაქტულობით ხასიათდება. ღვინის ამერიკელმა კრიტიკოსმა რობერტ პარკერმა ბორდოს 2009 წლის მოსავლის ღვინოების მისეული შეფასება ინტერნეტში გამოაქვეყნა: ,,აპელასიონ Médoc -ისა და Graves ზოგიერთი მეურნეობის ისტორიაში 2009 წლის მოსავალი საუკეთესოა მათ შორის, რაც ბორდოს 32 წლიანი დეგუსტაციის მანძილზე პირადად გამისინჯავს” – წერს პარკერი და იქვე ფავორიტ ღვინოებს ქულებითაც აფასებს (*ნიშნით მისი აზრით უზადო ღვინოებია აღნიშნული):