სამხრეთ აფრიკის რესპუბლიკაში მოსავლის აღება დამთავრდა და როგორც მოსალოდნელი იყო, ის შარშანდელზე ბევრად ნაკლები აღმოჩნდა. ყურძნის არათანაბარმა დამწიფებამ და მცირემოსავლიანობამ მევენახეებს პრობლემები შეუქმნა. თუმცა, რიგ მეურნეობებში მოსავლის დანაკარგმა გადარჩენილი ყურძნის ხარისხზე დადებითად იმოქმედა. კაპის მევენახეთა გილდიის (Cape Winemakers Guild) წევრთა უმრავლესობის აზრით, გასული სეზონი შეიძლება დახასიათდეს ,,არა უხვი, არამედ ხარისხიანი მოსავლის” ნიშნით. მიუხედავად, ერთი შეხედვით, იდეალური პირობებისა, პრობლემებმა მაინც იჩინა თავი - ყურძნის არათანაბარ დამწიფებას წინ უძღოდა ძლიერი ქარები ვაზის ყვავილობის პერიოდში, რის დროსაც გილდიის წევრ მევენახეთა უმრავლესობამ ყურძნის 15%-დან 35%-მდე დაკარგა, ზოგიერთი მევენახის დანაკარგმა კი 50-60%-საც მიაღწია. აგრილებამ დროულად მოუსწრო მევენახეებს – მომხმარებელი ცოტა გადაღალა კიდეც მძიმე, მაგარმა ღვინომ და მალე სამხრეთაფრიკელი მეღვინეები მათ მსუბუქ, დაბალანსებულ სასმელს შესთავაზებენ.