საჭირო მასალა: 500 გ. პამიდორი, 2 თავი ხახვი, 3 ბულგარული წიწაკა, 3 ს.კ. ზეთი, 1 ს.კ შაქარი, 2 კბილი ნიორი, 1 სტაფილო, 2-3 ღერი ნიახური, 1 კონა ახალი ან 1/2 ჩ.კ. მშრალი რეჰანი, მარილი და პილპილი – გემოვნებით.
მომზადება: ქვაბში ჩავასხათ 1ლ წყალი, ჩავაწყოთ ერთი თავი ხახვი, გასუფთავებული სტაფილო, ნიახურის მთლიანი ღერები და ვხარშოთ 40 წუთის განმავლობაში, შემდეგ გადავწუროთ. სანამ ბულიონი იხარშება, წიწაკა და პამიდორი, ჩავაწყოთ ცეცხლგამძლე ფორმაში, მოვასხათ ზეთში მოშუშული, წვრილად დაჭრილი ხახვი და შევდგათ გახურებულ ღუმელში 30 წუთით. ბოსტნეული ცოტა რომ შეგრილდება, დავაბლენდეროთ და ჩავუმატოთ ბოსტნეულის ნახარშს, კარგად ავურიოთ ერთმანეთში, შევაზავოთ მარილით, პილიპილით და რეჰანით, დავდგათ ცეცხლზე და ერთხელ წამოვადუღოთ.
© ღვინის კლუბი/“Weekend“
