სახელგანთქმულმა ფრანგულმა სახლმა Perrier-Jouët XXI საუკუნის პირველი ვინტაჟი - 2002 წლის მოსავლის ღვინო გამოუშვა, რომელიც თებერვლიდან გამოვიდა გაყიდვაში. ამ მოვლენას იაპონელმა ფოტოგრაფმა მაკიკო ტაკეხარამ ფოტონამუშევრების სერია მიუძღვნა, რომელიც The Art of Vintage–ს სასაჩუქრე გამოცემაში დაიბეჭდა – ეს ალბომი კომპანიის მაღალი რანგის კლიენტებისთვისაა განკუთვნილი. ფოტოგრაფმა ფოტოვარიაციები შექმნა ამ ცნობილი მარკის 20 ლეგენდარული ვინტაჟისთვის. თავად Cuvée Belle Epoque 2002 წლის გამჭვირვალე ბოთლშია ჩამოსხმული, რომელსაც ცნობილი ფრანგი დიზაინერის, Emile Galle–ს მიერ დახატული ყვავილები ამშვენებს. ბოთლის გაფორმება იდეალურად გამოხატავს კომპანია Perrier Jouёt–ის ესთეტიკურ ხედვას – ეს სახლი ყოველთვის შესანიშნავად ახერხებს შამპანურის შექმნისა და ნატიფი ხელოვნების შეზავებას.