მასალა:
1 - 1,5 ღორის მჭლე ხორცი (შეიძლება ხბოც)
50 გ. კარაქი
2 ხახვი
1 კ. ქონდარი
2 სუფრის კოვზი ახლად დანაყილი შავი პილპილი
2 სუფრის კოვზი დაუფქველი მწვანე პილპილი
2 სუფრის კოვზი დაუფქველი ვარდისფერი პილპილი
2 სუფრის კოვზი ცხარე მდოგვი
300 მლ. არაჟანი
200 მლ. საქონლის ბულიონი
1 დიდი ჭიქა წითელი მშრალი ღვინო
მარილი, ზეთი
მომზადება:
ხორცს შესაწვავად შედგამთ თუჯის დახურული ჭურჭლით, მანამდე დაამატებთ ცოტაოდენ ზეთსა და წყალს (ღუმელი 200°-ზე უნდა იყოს გახურებული), დატოვებთ დაახლოებით 1 საათის განმავლობაში (გააჩნია ხორცის რაოდენობას და ხარისხს). ამასობაში ტაფაზე კარაქში შეაყვითლებთ წვრილად დაჭრილ ხახვს, ჩააყრით სამ პილპილს, ქონდარს, დაუმატებთ მდოგვს, არაჟანს, ბულიონს, ღვინოს, მარილს. გამოიღებთ ხორცს, დაჭრით საშუალოდ თხელ ნაჭრებად, მოაყრით მარილს, დაასხამთ სოუსს და ისევ შედგამთ ღუმელში თავახდილს (180°-მდე დაუწევთ). დროდადრო უნდა ურიოთ სოუსს ხის კოვზით, და დააცადოთ, სანამ სოუსი არ განახევრდება. გამოღების შემდეგ ცოტა გაგრილება აცალეთ.
© WALLON
