მასალა: ერთი მარგარინი (გაყინული), 2,5 ჩ.ჭ. ფქვილი, 0,5 ჩ. ჭ შაქარი.
გულსართი: 3 ცალი კვერცხი, 0,5 ჩ.ჭ შაქარი, 250 გრ. ხაჭო (უკეთესია მშრალი იყოს), 1 დიდი ფორთოხალი.
მომზადება: გაყინულ მარგარინს გახეხავთ სახეხზე და დაკეპავთ ფქვილთან და შაქართან ერთად. მიღებულ ნაფხვენს შედგავთ მაცივაში, სანამ გულსართს მოამზადებთ. გულსართისთვის კვერცხს და შაქარს გათქვიფავთ, გაურევთ საცერში გაწურულ ხაჭოს, ფორთოხალს დააბლენდერებთ კანიანად (ან ხორცის მანქანაში გაატარებთ) და გაურევთ კვერცხის მასას. ყალიბს წაუსვამთ კარაქს, მოაყრით ცომის ნაფხვენის ნახევარს, მერე გულსართს დაადებთ და ბოლოს ისევ ცომის ნაფხვენს მოაყრით. გამოაცხეთ 200 გრადუსზე 50 წუთი.