მასალა: 400გ. გასუფთავებული კალმარები, ანისული - დანის წვერით, მშრალი რეჰანი - 3 ს/კ, ზეთი – შესაწვავად, ლიმონი - 1 ცალი, სოიოს სოუსი - 2-3 ს/კ, მოხარშული კარტოფილი - 500 გ, 2-3 ს/კ კარაქი, მარილი – გემოვნებით.
მომზადება: გასუფთავებული კალმარები ჩავყაროთ ადუღებულ მარილწყალში და ზუსტად 2 წუთი ვხარშოთ, შემდეგ დავჭრათ თხელ წვრილ ნაჭრებად. კარტოფილი დავჭრათ და ჩავყაროთ ქვაბში, დავასხათ იმდენი წყალი, ზედ რომ მოადგეს კარტოფილს, დავახუროთ საფარებელი და დავდგათ ნელ ცეცხლზე. ტაფაზე დავყაროთ ანისული, დავასხათ ზეთი და გავაცხელოთ, შემდეგ დავუმატოთ დაჭრილი კალმარები და რეჰანი, თან ვასხათ სოიოს სოუსი და მოვაწუროთ ლიმონი. ვთუშოთ შებრაწვამდე. კარტოფილი რომ მოიხარშება და ჩაიშლება, გადმოვდგათ, ცოტა წყალი გადმოვწუროთ, დანარჩენ სითხეში კი კარაქთან და მარილთან ერთად მოვამზადოთ პიურე. ლანგარზე ამოვიღოთ კარტოფილის პიურე, მოვუწყოთ მომზადებული კალმარები და ლიმონის ნაჭრები.