328 წლის კონიაკი გინესის მსოფლიო რეკორდებში უძველესი კონიაკის სახელით შევიდა. მინის ბოთლზე ამოტვიფრულია მწარმოებლის სახელი და მოსავალი. ბოთლზეა მწვანე ქვის ნაწილები და ოქროს ასოებია. მინაში მოთავსებული კონიაკი შენარჩუნდა იდეალურ მდგომარეობაში 328 წლის განმავლობაში.
1696 წელს, როდესაც საფრანგეთში ლუი XIV-ის მმართველობა ძალაუფლების ზენიტში იყო და ცხრა წლიანი ომიც ტურინის შეთანხმებით დასრულდა, კონიაკის წარმოება უკვე საკმაოდ განვითარებული იყო ქვეყანაში. მისი ისტორია მე-16 საუკუნიდან იწყება, როდესაც ჰოლანდიელი მოვაჭრეები საფრანგეთის სამხრეთ-დასავლეთ რეგიონს ღვინისა და სხვა პროდუქტების შესაძენად ესტუმრენ. იმის გამო, რომ ღვინო ვერ უძლებდა ხოლმე გრძელ მოგზაურობებს, ფრანგმა მწარმოებლებმა ღვინის ორმაგი გამოხდა დაიწყეს, რაც კონიაკის შექმნის მიზეზი გახდა.
ეს ბოთლი ერთადერთია, რომელიც მე-17 საუკუნიდან დღემდე შემორჩენილია. იგი გადაეცა ედმონდ ჟაულინს, Jules Robin-ის ბრენდის ერთ-ერთ თანადამფუძნებელს, ხოლო მოგვიანებით კერძო კოლექციაში საფრანგეთში 1950-იან წლებში აღმოჩნდა. ბოთლი ხელახლა აღმოაჩინეს 2018 წელს და მისი ამჟამინდელი მფლობლიხ მიერ გაუცხადებელი თანხითაა შეძენილი: "გინესის მსოფლიო რეკორდების წიგნმა რამდენიმე დღის წინ დაადასტურა მისი, როგორც უძველესი კონიაკის სტატუსი მსოფლიოში, რაც 66 წლით უსწრებს წინა, გოტიეს 1762 წლის კონიაკის რეკორდს. ამ ბოთლში 2020 წელს აუქციონზე დაახლოებით $150,000 გადაიხადეს, რის გამოც ის "აუქციონზე გაყიდული უძველესი კონიაკის" სახელსაც იმსახურებს" - ვკითხულობთ Decanter-ის სტატიაში.
© ღვინის კლუბი/vinoge.com