23 დეკემბერს, 11:00-დან “ღვინის კლუბი“ ცქრიალა ღვინის მეორე ფესტივალზე გიწვევთ. ფესტივალი „ღვინის ეროვნული სააგენტოს“ მხარდაჭერით გაიმართება მთაწმინდაზე, კლუბ „ანდერვილში“.
შაბათს მთაწმინდაზე დაგხვდებათ სასიამოვნო გარემო, სადაც მეღვინე-მევენახეები იქ მყოფებს თავიანთ გამოცდილებას გაუზიარებენ. გასინჯავთ ცქრიალა ღვინის სხვადასხვა კატეგორიებს. ფესტივალში მონაწილეობას მიიღებენ ყველა სტილის ცქრიალა ღვინის მწარმოებლები: შამპანური მეთოდი, პეტნატი (ნატურალური ცქრიალა), შარმას მეთოდი, შუშხუნა ღვინო. მთლიანობაში მონაწილეთა რაოდენობა გაიზარდა და ახლა ფესტივალში 45 მარანი მონაწილეობს.
ფესტივალის მოლოდინებისა და მისი მნიშვნელობის შესახებ აკაკი სირაძე გვესაუბრება მარანი “რეროდან”: “ცქრიალა ღვინის ფესტივალი ჩვენი მეღვინეობისთვის პირველი ნაბიჯებია დიდ ასპარეზზე. ისეთი შეგრძნებაა, თითქოს პირველკლასელი იყო და პირველად შედიოდე სკოლაში.ეს ნერვიულობანარევი სიხარული ყოველთვის მემახსოვრება. ფესტივალი წლის ბოლოს იძლევა შესაძლებლობას მთელი წლის და განსაკუთრებით შემოდგომის ნაჯაფარის შედეგი საზოგადოებას წარედგინოს და შეფასდეს სტუმრების, სომელიეებისა, თუ ღვინის ექსპერტების მიერ. ყოველივე ამისთვის კი უღრმესი მადლობა ფესტავალის ორგანიზატორებს”
“ლომთაძეების ღვინის მარნიდან” კი აღნიშნავენ, რომ ცქრიალა ღვინოზე, განსაკუთრებით კი პეტ-ნატებზე მოთხოვნა განსაკუთრებით გაიზარდა ბოლო პერიოდში: “ისეთი დიდი დაინტერესება იყო, რომ ჩვენც გადავწყვიტეთ წელს პეტ-ნატის დამზადება. გვაქვს საფერავის და რქაწითელის პეტ-ნატი. პირველად “ამერ-იმერის ფესტვალზე” გავიტანეთ ჩვენი ღვინო ქუთაისში, სადაც მოლოდინები გაგვიმართლდა, ახლა კი ძალიან ველოდებით “ცქრიალა ღვინის ფესტივალს”, ვიმედოვნებთ, საკმაოდ დიდი დაინტერესება იქნება აქაც.”
ფესტივალზე “აგიდელას” პირველ პეტ-ნატსაც შეხვდებით, რაც მათთვისაც სიახლე იყო: “შაბათს ჩვენს პოტენციურ მომხმარებელს შევხვდებით და ჩვენს პროდუქტს გავაცნობთ. ძალიან მნიშვნელოვანია ღვინით დაინტერესებულ ადამიანებთან კომუნიკაცია, რის საშუალებსაც “ცქრიალა ღვინის ფესტივალი” გვაძლევს"
ღვინის გარდა გელით გემრიელი მისაყოლებელი, გართობა და მთაწმინდური ზამთარი. ესეც ფესტივალის მონაწილეთა სია:
აგიდელა
ამბრა
Archil Guniava Wine Cellar
ბაიას რვინო
ბაწაშვილის მარანი
ბიბინეიშვილი ვაინს
ბკ-იმექსი / მაღაზია „სასმელი“
გაბრიელის ღვინო
Gabunia Family Sparkling
დამილიე
ვასსერშტრასსე
ვაზი+ მეღვინეობა ბინეხი
ზურაბ ღვალაძის მარანი
თედოს მარანი
Temivino
Tiko Estate
იორა
კოლაგისი
კრიკინა/Krikina
KE family winery
ლამისყანა ისთეით
ლომთაძეების მარანი Lomtadze`s Marani
მარანი ბედიანი
მარანი ძველი მუხრანი
მეღვინეობა რერო
მშვენიერაძეების მარანი
Mtsvane Estate
მეღვინეობა ნაგუთნები
მეღვინეობა ნეკრესი
ნადელები
ნიკიფორე
Natalia Dakishvili Vine * Soul * Root
Papas viiard
რთველისი
სატრფო
სიმონეთის ღვინის მარანი
ტაბლა ნოვა
უფლისციხის მამული
უჩას ღვინო
ქართული ქვევრი
ღვინის კომპანია “შუმი”
შაპიდონ
ძმების მარანი
ჭური ჩინებული
ჯემ / GEM
როგორც ყოველთვის სტუმრების დასწრება ფესტივალზე თავისუფალია.
© ღვინის კლუბი/vinoge.com