საფერავის საერთაშორისო კონკურსი საქართველოში 17–18 ოქტომბერს გაიმართა, ჟიურის თავმჯდომარე კი ბრიტანელი ღვინის ექსპერტი და მწერალი ენდრიუ ჯეფორდი იყო. ღონისძიების ორგანიზატორია ასოციაცია „ქართული ღვინო“, მხარდამჭერი კი - ღვინის ეროვნული სააგენტო.
კონკურსის ფარგლებში 136 მედალი გაიცა. შედეგების შეჯამების მიხედვით, მონაწილე ღვინოებს 17 ოქროს, 58 ვერცხლისა და 61 ბრინჯაოს მედალი მიენიჭათ.
საფერავის საერთაშორისო კონკურსი ქართული მეღვინეობის ერთ-ერთი მნიშვნელოვანი ღონისძიებაა, რომლის მიზანია საფერავის ჯიშის ღვინოების პოპულარიზაცია, მათი ხარისხის წარმოჩენა და ქართული ღვინის საერთაშორისო ცნობადობის გაზრდა. კონკურსი ადგილობრივ და საერთაშორისო მწარმოებლებს შესაძლებლობას აძლევს, წარმოაჩინონ საფერავის მრავალფეროვნება და საკუთარი პროდუქცია პროფესიონალი შემფასებლების წინაშე წარადგინონ.
როგორც აღვნიშნეთ, გამოცხადებული შედეგების მიხედვით, სულ 136 მედალი გაიცა. მათ შორის ყველაზე მეტი - 61 - ბრინჯაოს მედალია, ვერცხლის მედლების რაოდენობა 58-ს შეადგენს, ოქროს მედალი კი 17 ღვინოს მიენიჭა.
მედლების განაწილება აჩვენებს, რომ დაჯილდოებულ ღვინოებს შორის ბრინჯაოსა და ვერცხლის მედლები დომინირებს, ოქროს მედლები კი საერთო რაოდენობის მერვედს შეადგენს.
საფერავი საქართველოს ერთ-ერთი გამორჩეული წითელყურძნიანი ვაზის ჯიშია, რომელსაც მნიშვნელოვანი ადგილი უკავია როგორც ადგილობრივ მეღვინეობაში, ისე ქართული ღვინის საერთაშორისო პოზიციონირებაში.
საფერავის მეხუთე საერთაშორისო კონკურსის შედეგები კიდევ ერთხელ უსვამს ხაზს ქართული ვაზის ამ ჯიშის მნიშვნელობას და მის პოტენციალს საერთაშორისო ღვინის ინდუსტრიაში.
კონკურსის შედეგები სრულად იხილეთ ბმულზე.
© ღვინის კლუბი/vinoge.com