ღვინის სკოლა „ვინემოში", ღვინის მოყვარულებისა და პროფესიონალებისთვის ივლისში ორი მნიშვნელოვანი ღონისძიება გაიმართება.
17 ივლისს, ღვინის სკოლა „ვინემო“ მეღვინე-მეწარმე ქალების ღვინოების დეგუსტაცია-შეფასებას გამართავს. პროფესიული ჟიური შეაფასებს როგორც ღვინის ხარისხს, ისე ბრენდინგს, ხოლო მაღალი ქულების მქონე ღვინოები სპეციალურ დეგუსტაციაზე წარედგინება HoReCa სექტორის წარმომადგენლებს.
18 ივლისს, 12:00 საათზე, გაიმართება პანელური დისკუსია თემაზე „საქართველო – ღვინის სამშობლო და მეღვინეობის ისტორიის მქონე სხვა ქვეყნები“. შეხვედრის მონაწილეები მეგობრულ გარემოში იმსჯელებენ იმ თემებზე, რომლებიც ღვინის სამყაროში ხშირად პოლემიკის საგანი ხდება.
18 ივლისის ღონისძიებაზე დასწრება თავისუფალია.
ღონისძიების ბმული იხილეთ აქ.
© ღვინის კლუბი/vinoge.com