ავსტრალიელმა ღვინის მწერალმა და ფოტოგრამა, კემპბელ მატინსონმა საქართველოში მოგზაურობა ფოტო-პროექტად აქცია, მისი მიზანი მხოლოდ ადგილებისა და მარნების დოკუმენტირება არ ყოფილა, ამ ფოტოესეში იმ ადამიანთა პორტრეტებსაც შევხვდებით, რომელთა ცხოვრება ვენახისა და ღვინისგან განუყოფელია. ამ პორტრეტებს შორის განსაკუთრებულად მომხიბლავი და საინტერესოა იაგო ბიტარიშვილის პორტრეტი, რომელსაც თავად მატინსონი „ქართული ღვინის ლეგენდას“ უწოდებს.
თვალები პორტრეტის ემოციური საყრდენია, მკვეთრი და ნათელი. ეს ვიზუალური თავშეკავება კი სრულად ეხმიანება იაგო ბიტარიშვილის მეღვინეობრივ ფილოსოფიას.
იაგო ბიტარიშვილის როლი ქართული მეღვინეობის თანამედროვე ისტორიაში ხშირად აღიწერება როგორც გარდამტეხი. მისი საქმიანობა იმ პერიოდს ემთხვევა, როდესაც ქართული ქვევრის ღვინო საერთაშორისო დისკურსში ეთნოგრაფიული ინტერესის ფარგლებს გასცდა და პროფესიული ყურადღების საგნად იქცა. მის მიერ მცირე რაოდენობით წარმოებული ღვინო მთლიანად ხარისხზეა ორიენტირებული. მატინსონის ეს ფოტო ადასტურებს, რომ ქართული ღვინის ისტორია, უპირველესად, კონკრეტული ადამიანების ყოველდღიური შრომის ისტორიაა.
© ღვინის კლუბი/vinoge.com