საუკეთესო ზელანდიური სოვინიონ ბლანია, რომელიც კი დამილევია. ძალიან ეფექტური ღვინოა, შესანიშნავი გარეგნობისა და მომწვანო ოქროსფერით ტკბობის შემდეგ წარმოუდგენლად ძლიერი ბუკეტის ჯერი დგება, სადაც პირველ პლანზე გრეიპფრუტის, მანგოსა და მწვანე სუნელების ტონები გამოდის. გემოზე ღვინო მომრგვალებულიცაა, მიუხედავად იმისა, რომ საკმაო მჟავიანობა ახასიათებს. ეს სოვინიონ ბლანი ძალზე მშრალია და მაღალგრადუსიანი (13%). მარლბოროს რეგიონში დაწურული ეს გამორჩეული ღვინო ნამდვილად იმსახურებს საუკეთესო ხამანწკებს და სხვა ზღვის ნობათს.
მ.ხ.
© vinoge.com
