ჩეხეთში წლის საუკეთესო ლუდის კონკურსი ჩატარდა. კონკურსზე წარდგენილი იყო 77 სახეობის ლუდი. ჟიურის შემადგენლობაში შედიოდნენ სპეციალისტები 24 ლუდსახარში ქარხნიდან. წარმოდგენილი ლუდები შეფასდა ალკოჰოლის შემცველობითა და, რა თქმა უნდა, გემოთი. შეჯიბრი 5 ნომინაციაში ჩატარდა. ყველაზე მძაფრი ბრძოლა გაჩაღდა ღია ფერის ლაგერებს შორის, რომელშიც მონაწილეობდა 29 დასახელების ლუდი. გამარჯვება Starobrno Medium-ს (ლუდსახარში Starobrno) ხვდა წილად. ღია ფერის ჩამოსასხმელი ლუდის ნომინაციაში, სადაც 20 დასახელების ლუდი მონაწილეობდა, პირველობა Branik Svetly-მ მოიპოვა (პრაღის ლუდსახარში ქარხანა Staropramen). მუქი ფერის ლუდებიდან პრიზი მოიპოვა Primator Premium Dark-მა (ლუდსახარში Nachod), ხოლო მუქი ჩამოსასხმელი ლუდებიდან - Janacek Tmave-მ (ლუდსახარში Janacek). საუკეთესო უალკოჰოლო ლუდის ტიტული Bernard Free-ს (ლუდსახარში Bernard) ერგო.
© „მარანი“