სასიამოვნო მომწვანო-ოქროსფერი ღვინოა ცოცხალი მჟავიანობით, სადაც შარდონეს სიხისტეს რქაწითელი ამგვალებს. ხასიათდება ყვითელი გრეიპფრუტის, ლიმნისა და სხვა ციტრუსების ძალზე ეფექტური ტონებით, ასევე ახლადგაჭრილი აზიური ნესვის მოტკბო სურნელით. თავდაპირველი სიმწარე გემოში მალე რბილდება და ხანგრძლივ, საინტერესო დაბოლოებას ქმნის. აჯობებს გაციებული დალიოთ, კარგია აპერიტივზეც. კარგ წყვილს შექმნის მოხარშულ თეთრ თევზთან, ზღვის ნობათთან, კრევეტების სალათთან.