ღვინის ექსპერტთა დიდ ნაწილს მარტივად შეუძლია დაავადებული ღვინის ამოცნობა. როგორც ერთ-ერთ სტატიაში წერენ, დღევანდელ დღეს ღვინის დაყენების თანამედროვე ტექნოლოგიის გამო შედარებით ნაკლები ხარვეზია, ვიდრე ეს ადრე იყო.
Bon Apétit-ის თანახმად, ღვინოს დაავადებებისა თუ ზადების უმეტესი ნაწილის აღმოჩენა მისი სურნელითაა შესაძლებელი. დაავადებულ ღვინოს სპეციფიკური, უსიამოვნო სუნი აქვს. ზოგიერთი ღვინის სურნელით ადვილადაა შესაძლებელი მისი ნაკლოვანებებისა და ხარვეზების აღმოჩენა, თუმცა ზოგის შემთხვევაში ეს არც ისე მარტივია. გარდა ღვინის არომატისა, მისი სიჯანსაღის ამოცნობა ვიზუალურადაცაა შესაძლებელია. Food & Wine იუწყება, რომ ღვინო გაფუჭებას შეიძლება იწყებდეს მაშინ, როცა მას შეხება აქვს ჰაერთან, სხვადასხვა ბაქტერიასთან, მიკრობებთან, ობთან, საფუართან და ა.შ. ეს იწვევს ქიმიურ რეაქციებს და ღვინის არომატის, სტრუქტურისა და გემოს ცვლილებას. გარდა ამისა, არის რამდენიმე "მინიშნება", რომლის მიხედვითაც უფრო მარტივია დაავადებული ღვინის ამოცნობა.
როგორც Wine Folly წერს, თეთრი მშრალი ღვინო, რომელსაც "მოსაწყენი" არომატი აქვს და მოყავისფრო შეფერილობით გამოირჩევა, სავარაუდოდ დაჟანგულია. თუმცა, ამასთან, კონკრეტული ღვინოები, როგორიცაა ამონტილადო და მადერა, მიზანმიმართულად იჟანგება, ჩვენი კახური ტიპის ქვევრის ტრაციული ღვინო, რახან ეს მათი გემოსა და არომატის სპეციფიკურობის ნაწილია. Wine Folly დასძენს, რომ სითბოში ღვინის შენახვა მის მადერიზაციას იწვევს.
Wine Enthusiast აცხადებს, რომ დამწვარი ასანთის, ლაყე კვერცხისა და მოხარშული კომბოსტოს სუნი ღვინოში ბევრი გოგორდის შემცველობაზე მიუთითებს. ღვინის დაყენებისას ჟანგბადის ნაკლებობა გოგირდის დისბალანსს იწვევს. კარგი ისაა, რომ ზოგიერთი ღვინის "გადარჩენა" შესაძლებელია მათი გადაღებით, ღვინოზე ჟანგბადის ზემოქმედებით.
ცნობილია, რომ ღვინის საცობები კონკრეტული მუხისგან მზადდება. Wine Searcher-ის მიხედვით, ქერქი შეიცავს მცირე რაოდენობით მიკრობებს, რომლებიც ხის ზრდისას ბუნებრივად ჩნდება. ზოგჯერ კორკის საცობი ქლოროფენოლით ან ქლოროანიზოლით ინფიცირდება, რომლებიც ურთიერთქმედებენ სოკოსთან და ქმნიან 2, 4, 6 ტრიქრონოალიზოლს. ეს დაავადება ნებისმიერი ჩამოსხმის ღვინის დაახლოებით 5%-ს შეიძლება ჰქონდეს.
არასტაბილური მჟავიანობა გაფუჭებული ღვინის კიდევ ერთი მახასიათებელია. მომატებული მჟავიანობა ღვინოს ძმრის, აცეტონის ან ფრჩხილის ლაქის არომატს აძლევს. ეს ხშირად ღვინის არაჰიგიენურად დაწურვის და ქიმიური რეაქციის გამოა, როცა გარკვეული ბაქტერიები ალკოჰოლს ძმრად გარდაქმნის. Wine Enthusiast წერს, რომ, მიუხედავად ამისა, ზოგიერთი სუფრის ღვინო განგებ შეიცავს მჟავიანობის მაღალ დონეს. ხანდახან არასტაბილური მჟავიანობა ღვინოს განსაკუთრებულობას უსვამს ხაზს.
მიუხედავად იმისა, რომ დაავადებული ღვინის ამოცნობა არც ისეთი მარტივია, TastingTable-ის სტატია ასეთი ღვინოების ამოცნობის სხვადასხვა ხერხს გვთავაზობს. აუცილებელია იმის აღნიშვნაც, რომ ხანდახან ერთი შეხედვით გაფუჭებული ღვინის მახასიათებლები კონკრეტული ღვინოების უნიკალური ხასიათის ნაწილია.
© ღვინის კლუბი/vinoge.com