23 მარტს სოფლის მეურნეობის სამინისტროს ორგანიზებით ანტალიაში ქართული ღვინის პრეზენტაცია გაიმართება. რამდენიმე ქართული კომპანია თურქულ საზოგადოებას საუკეთესო პროდუქციას წარუდგენს. ამ ღონისძიების მიზანი თურქეთში ღვინის პოპულარიზაცია და შავი ზღვის აუზის სასტუმროების ქსელთან ხელშეკრულების გაფორმებაა, რომლის მიხედვითაც, საკურორტო ზონაში განლაგებულ სასტუმროებში ქართული ღვინო უნდა გაიყიდოს.
ქართული დელეგაცია, სოფლის მეურნეობის მინისტრის, ბაკურ კვეზერელის ხელმძღვანელობით, უკვე გაემგზავრა თურქეთში. დელეგაციის შემადგენლობაში არიან ქართველი ბიზნესმენებიც, რომელთაც საქმიანი კონტაქტების დამყარების და მომავალი პარტნიორების მონახვის საშუალება მიეცემათ.
© მადიანი/vinoge.com