ხვალ, ტრენინგი ქუთაისში – „ღვინის გამოზამთრება და გასტრონომიული ტურიზმი“

20 ნოემბერს „ღვინის კლუბი“ 14:00 საათზე ქუთაისში, ღვინის ბარ „საფერეში“ „USAID–ის ეკონომიკური უსაფრთხოების პროგრამის“  (The USAID Economic Security Program)

ფინანსური მხარდაჭერით ატარებს ტრენინგს - „ღვინის გამოზამთრება და გასტრონომიული ტურიზმი“.
ტრენინგს გაუძღვებიან მევენახეობა–მეღვინეობის მკვლევარი გიორგი ბარისაშვილი და მევენახეობა-მეღვინეობის საკონსულტაციო ცენტრი "ღვინტესტი"-ს დამფუძვნებელი ვანო შიუკაშვილი.
„ღვინის კლუბმა“ „USAID–ის ეკონომიკური უსაფრთხოების პროგრამის“ (The USAID Economic Security Program) ფინანსური მხარდაჭერით დაიწყო ახალი საგანმანათლებლო პროექტი მცირე მარნებისა და რეგიონული ღვინის ტურიზმის განვითარებისთვის. პროექტი ერთწლიანია და ამჯერად იგი იმერეთის, რაჭისა და ლეჩხუმის რეგიონებს მოიცავს. პროექტი გულისხმობს ღვინო და გასტრონომიული ტურიზმის თვალსაზრისით დიდი პოტენციალის მქონე სოფლებში მევენახე-მეღვინეებისა და დამწყები მცირე და საშუალო მარნების მოძიებასა და მათთვის საკონსულტაციო სამუშაოების ჩატარებას.
ტრენინგი 2 საათის განმავლობაში გაგრძელდება და დასრულების შემდეგ ჯგუფი ესტუმრება ერთ-ერთ ადგილობრივ მწარმოებელს, სადაც ვენახსა და მარანში უშუალოდ გაეცნობა რთველისთვის მზადების დეტალებს.
ტრენინგის სამიზნე ჯგუფია - ღვინის ტურიზმით დაინტერესებული ღვინის მწარმოებლები.
დასწრება თავისუფალია, ადგილები შეზღუდულია, რეგისტრაცია დასრულდება ადგილების შევსებისთანავე.
რეგისტრაციისათვის მოგვწერეთ ელექტრონულ ფოსტაზე info@wineclub.ge ან დარეკეთ ნომერზე: 598 30 86 88