– როდის გადაწყვიტეთ მარნის დაარსება და რა იყო ამის მიზეზი?
– მარნის დაარსება დიდი ხნის წინ გადავწყვიტეთ, თუმცა დაკავებული ვიყავი სხვა საქმიანობით. მიზეზი კი ამ საქმის ცოდნა და სიყვარულია, რაც ჩვენი ოჯახის საუკუნოვანი ტრადიციაა.
– ვაზის რომელი ჯიშები გაქვთ გაშენებული და კიდევ რომელ ჯიშებზე აპირებთ ყურადღების გამახვილებას?
– გაშენებული გვაქვს: ცოლიკაური, ციცქა, ოჯალეში, კაპისტონი, ძველშავი.
– რა ღვინოებს აწარმოებთ და რითაა გამორჩეული თქვენი ღვინო?
– ძირითადად ვაწარმოებთ ქვევრის თეთრ და წითელ ღვინოს, რომელიც გამოირჩევა დაწურვისა და შენახვის უძველესი ტექნოლოგიით.
– გაიხსენეთ საქართველოში ღვინის გაყიდვის თქვენი პირველი გამოცდილება, რომელ მაღაზიებთან გქონდათ ურთიერთობა?
– აქამდე ბიზნეს ობიექტებთან კონტაქტი არ მქონია, ვყიდდი ლიტრაჟობით, ოჯახიდან. გადავწყვიტე ბოთლში ჩამოსხმა და ბაზარზე გატანა.
– გადის თუ არა თქვენი ღვინო უცხოეთის ბაზარზე?
– ამ ეტაპზე, ჩემი მთავარი მიზანია ადგილობრივ ბაზარზე სახელის დამკვიდრება.
– რა სახის სირთულეები შეგხვედრიათ თქვენს საქმიანობაში? რა უნდა დაიხვეწოს ყველაზე მეტად ღვინის სფეროში?
– ძირითადი დაბრკოლება ხარისხიანი ღვინის გასაღების ბაზრის მოძიებაა, რადგან უმეტესად მომხმარებელი ორიენტირებულია დაბალ ფასზე. ვისურვებდი, რომ ღვინის გასაღების ბაზარზე აქცენტი გაკეთდეს მის ხარისხზე და ტექნოლოგიაზე, და ფასიც იყოს შესაბამისი.
– თქვენი აზრით, რა არის ყველაზე მნიშვნელოვანი ფაქტორები თანამედროვე ქართული ღვინის კულტურის განვითარებისთვის?
– თანამედროვე ქართული ღვინის კულტურას მნიშვნელოვნად განავითარებს მისი ცნობადობის გაზრდა როგორც ადგილობრივ, ასევე უცხოურ ბაზარზე, რისთვისაც საჭიროა მაკავშირებელი ძალა გლეხსა და ბაზრის წარმომადგენელს შორის.
– რას ურჩევდით დამწყებ მევენახე–მეღვინეებს?
– დამწყები მევენახე-მეღვინისთვის აუცილებელია ამ საქმისადმი სიყვარული. გაიარონ კონსულტაციები უხუცეს მეღვინეებთან, რათა შენარჩუნდეს ღვინის უძველესი ტექნოლოგიები.
მარნის დასახელება: ეთნო მარანი
მარნის მისამართი: ცაგერის მუნიციპალიტეტი, სოფ. ქორენიში
ტელეფონი: 599518813
ელფოსტა: ngodoladze1972@gmail.com
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი