ამერიკულმა ღვინის სავაჭრო სახლმა - Acker Merrall & Condit’s, ჰონკონგში ღვინის დიდი აუქციონი გამართა. აუქციონზე 922 ლოტი იყო წარმოდგენილი. მათი უმრავლესობა (92%) გაიყიდა.
ერთ-ერთი საინტერესო ლოტი აღმოჩნდა 1990 წლის Domaine de la Romanee-Conti-ის კეისი. ეს ღვინო მსოფლიოში ყველაზე ძვირადღირებულად ითვლება. იგი 242 ათას დოლარად გაიყიდა.
Dom Perignon-ის სამი ბოთლი (1966, 1973 და 1976 წლის კოლექციები) მყიდველმა 93 ათას დოლარად შეიძინა. Chateau Le Pin 1982-ის კეისი კი - 105 500 დოლარად.
განსაკუთრებული ინტერესი შატო მუტონ როტშილდის 1945 წლის კეისმა გამოიწვია, რომელიც საბოლოოდ 155 ათას დოლარად გაიყიდა.
vinoge.com
