შალაურში დაკრეფილი მწვანე კახურის ჯიშის ყურძნიდანაა ღვინო დაყენებული. ინტენსიური ქარვისფერია, ძლიერი შეფერვის, პირველ სურნელებში კი ხმელი მცენარეების, ჩაისა და ფორთოხლის ცედრას ტონებს იგრძნობთ. ახალგაზრდა, სასიამოვნო სიცხარის მქონე ღვინოა, ძლიერი ტანინებით, მაღალი ალკოჰოლითა (14,8%) და მჟავიანობით. ხანგრძლივ დაბოლოებაში კიდევ რამდენიმე საინტერესო არომატულ ნიუანსს აღმოაჩენთ – მათ შორის პირველ რიგში ატამს გამოვარჩევდი.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი