ახმეტის რაიონის სოფელ ალვანში მოწეული რქაწითლიდან (80%) და მწვანე კახურიდან (20%) დაყენებული ღვინოა. 8 თვე ჭაჭაზე და კლერტზე გაატარა ქვევრში. ძალზე ინტენსიური შეფერვისაა, მუქი ქარვისფერი. ჩაისფერიც ეთქმის. სურნელში ვაშლის ჩირის, ქართულ სუნელებსა და სხვადასხვა მცენარეულ ტონს აღმოაჩენთ. ძლიერი ტანინების მქონე მძლავრი ღვინოა, მაღალი ალკოჰოლითა (14,5%) და ხანგრძლივი დაბოლოებით.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი